iLife MP8 Micro PC со своите димензии е најмалиот персонален компјутер на светот кој е сосема функционална машина. Има димензии од 50х50х40 милиметри и може лесно да се изгуби поради минијатурните димензии.
„Mini box“, сепак, со помош на Wi-Fi приклучок , безжична тастатура и маус, станува персонален компјутер со прилично цврста конфигурација за неговата големина, дизајниран за основни работи.
Ова „џуџе“ се напојува со процесор Intel Celeron N4100. Опремен е со 4 GB RAM меморија и 64 GB внатрешно складирање eMMC.
iLife MP8 Micro PC may be the World’s Smallest Windows 10 Mini PC https://t.co/qdLrNXA7yO pic.twitter.com/W6oL9R5G0S
— Electronics-Lab.com (@ElectronicsLab) October 22, 2019
Слот за microSD, порта за HDMI, две порти за USB 3.1, аудио излез од 3,5 мм и приклучок за напојување USB Type-C се одговорни за проширување на меморискиот капацитет и поврзување со други уреди.
ILife MP8 Micro PC го користи оперативниот систем Виндоус 10 и веројатно е во моментов еден од најмалите Win 10 компјутери.
Бидејќи неодамна имаше премиера во матичниот Хонг Конг, цената сè уште не е позната.
