„Бомба“: Погба јавно се огласи и најави заминување од „Олд Трафорд“

Иднината на Пол Погба и ова лето ќе биде една од најжепките теми на трансфер пазарот, бидејќи се погласни се шпекулациите дека Французинот ќе си замине од „Олд Трафорд“.

После лошата сезона Погба е спремен да ја промени средината, а најсилен интерес за неговиот потпис покажува Реал Мадрид.

Зидан по секоја цена го посакува сонародникот во својот тим, но проблем е високата цена од 150 милиони фунти која Манчестер Јунајтед ја постави за неговата слобода.

Сега конечно се огласи Погба на оваа тема и јавно призна дека е спремен да го напушти клубот, со што изврши дополнителен притисок врз раководството на Манчестер Јунајтед.

„Имам уште три години од договорот со Манчестер Јунајтед и досега таму ми беше супер. Имав некои добри моменти, но и лоши моменти, како секој фудбалер. По оваа сезона и се што се случи во неа, и која беше моја најдобра во кариерата сметам дека е добро време да пробам нов предизвик на друго место. Размислувам за тоа, да прифатам нов предизвик во друг клуб“, истакна Погба.

https://twitter.com/DeadlineDayLive/status/1140194856070864898