„Франс Фудбал“ го објави списокот на кандидати за „Златната топка“, а наскоро се очекува истиот да биде скратен на тројца финалисти.
Реномираниот „Екип“ од свои извори дојде до информација кои ќе бидат тројцата финалисти и буквално го шокира фудбалскиот свет.
За прв пат нема да го има Меси, но и Кристиано Роналдо. Имено, за „Златната топка“ ќе се борат Лука Модриќ, Варан и Килијан Мбапе.
Модриќ ја освои Лигата на шампиони со Реал Мадрид и стигна до финалето на Мундијалот, притоа беше избран за играч на годината од страна на ФИФА.
Варан ги има и двете награди, но за волја на вистината не играше клучна улога во двата случаја.
Мбапе беше прва ѕвезда на Мундијалот и ја освои светската круна со Франција, но изненадување е да биде пред Гризман кој ја освои и Лига Европа со Атлетико.
Наградата ќе биде доделена на почетокот на декември, па останува да видиме каква ќе биде реакцијата на Роналдо и Гризман доколку се вистинити информациите дека ги нема меѓу финалистите.
