„Мерцедес“ за бебиња

Кога ќе се спомене брендот „Мерцедес“, на секого прво што му паѓа на ум се скапи и луксузни лимузини и „седани“, брзи спортски модели и моќни теренци. Но, никому сигурно не му паѓа на памет колички за бебиња под знакот на познатиот автомобилски бренд.

Гигантот од Штутгарт заедно со компанијата Хартан ја претстави новата беби количка ,,Авангард”. На неа е и познатиот знак на Мерцедес.

Количките се произведуваат во неколку дизајни , а најновиот модел има капаци на тркалата, како копија на оние на моделот Мерцедес од класата Ц.

Покрај количката, Мерцедес нуди и различни додатоци со знакот на авто гигантот како чадори за бебиња и торбичка за чување на бебешки ситници.