Американскиот рапер Енимен по деветти пат по ред, со нов албум доаѓа до официјалното место број еден на британската листа на најпродавани албуми и на тој начин ги надмина музичките великани АББА и Лед Цепелин.
„Значи ли тоа дека сега можам да се викам Сер Еминем?“, шеговито праша 45-годишниот музичар од Детроит кога од британската дискографска индустрија му ја соопштија веста.
Еминем досега, заедно со шведската поп група АББА и култната британска рок група Лед Цепелин, беа изедначени со по осум последователни албуми со префиксот „број еден“. Цепелин тоа го постигнаа во 1979 година, а АББА три години потоа.
Претпоследниот албум на Еминем, „Revival“, објавен минатата година, наиде на негативни критики од критичарите, но и покрај тоа, се искачи на британскиот број еден. А тој на музичката критика за тоа, на изненадување на музичкиот свет, им „возврати“ само осум месеци подоцна, со уште еден, нов, албум со наслов „Kamikaze“. И повторно уште еднаш „број еден“ во Британија. Деветти пат по ред.
На својот деветти албум Енимен, како и досега, повторно се нафрли на своите омилени „пациенти“ и теми: критичарите, колегите музичари и американскиот претседател Доналд Трамп.
Учество во игри на среќа е дозволено за лица со 18+ години. Играј одговорно!