„Изгубени во преводот“: Норвежаните на Олимпијадата по грешка порачаа 15.000 јајца

Гладните норвешки спортисти на зимските Олимписки игри во Јужна Кореја можат без престан да јадат јајца со оглед на фактот дека нивниот тимски готвач по грешка порачал дури 15.000 јајца.

Обидувајќи се да направи нарачка со помош на превод преку Google Tranlsate, наместо планираните 1.500, готвачот добил 15.000 јајца од кокошка. Иако се пожалил на преводот, изгледа дека типот пишал и една нула отфазла.

OL-leiren bestilte 1500 egg gjennom å oversette via Google Translate. Men det slo feil. 15.000 ble levert på døra. Vi ønsker lykke til og håper at de norske gullhåpene er glade – veldig glade – i egg: ? pic.twitter.com/qaWVpq1Xgy

— Trønder-Avisa (@tronderavisa) February 3, 2018

Готвачот Стал Јохансон за норвешкиот весник Aftenposten изјавил дека за среќа успеал да ги врати вишокот јајца.

Иако не е сосема јасно како дошло до таква грешка, новинарот за ВВС од Кореја, Дејвид Кан, истакна дека во неговата земја се користи друг систем на броење, но дека и грешка при внесувањето може да биде дел од конфузијата.