Холандскиот парламент ја усвои одлуката со која се дозволува одгледување на марихуана

Парламентот на Холандија вчера ја изгласа одлуката со која се дозволува одгледување на марихуана, со што е потврдена долгогодишната толерантна политика на државата.

Досега марихуаната технички беше илегална, но полицијата не поднесуваше кривични пријави за поседување на помала количина.

Со одлуката се дозволува професионално одгледување на марихуана со што ќе им се овозможи на објектите (coffee shops) каде е дозволена продажба и конзумација на канабис, да имаат легален извор на снабдување.