Утринава пооблачно е во јужните краишта од земјава, каде во текот на изминатата ноќ врнеше повремен релативно слаб снег. Температурата утринава има вредности околу минус 2 степени.
Во текот на денот и понатаму ќе биде пооблачно во јужните краишта, пред се во пелагонискиот регион. Од оваа облачност повремено ќе провејува слаб снег. Во северната половина од земјата очекуваме повремени сончеви периоди. Ќе дува слаб до умерен североисточен ветер.
Максималната температура ќе има вредности од околу минус 2 до 1 степен во северниот и југозападниот крај, а на југоисток околу 3 степени.
Скопскиот крај го очекува променливо време во однос на облачноста. Краткотрајните сончеви периоди нема многу да придонесат за пораст на температурата. Ќе дува умерен северен ветер. Максималната вредност на температура нема да надмине 0 Целзиусови степени.
Учество во игри на среќа е дозволено за лица со 18+ години. Играј одговорно!