На церемонијата на ФИФА при доделување на наградите за најдобар фудбалер на светот се случи бизарен пропуст на организаторот кој го навреди напаѓачот на Барселона, Луис Суарез.
Имено, Суарез беше избран во најдобриот тим на годината, а на екранот се појавија слики од сите 11 фудбалери кои го сочинуваат најдобриот тим. Но, кај сите фудбалери беа користени официјални слики во продукција на ФИФА, освен кај Суарез.
На фотографијата која ја публикуваше ФИФА Уригваецот е во комично издание, па поради тоа сликата беше сфатена како навреда.
Уругвајскиот медиум „Национал“ тврди дека Суарез една недела пред церемонијата ги контактирал луѓето од ФИФА и им кажал дека нема да присуствува на церемонијата од причина што и понатаму е лут за ригорозната казна која му беше изречана после СП 2014.
Поради тоа организацијата предводена од Џани Инфантино сакала да му се одмазди, па токму поради тие причини ја користеле комичната фотографија.
