Фудбалерот на Реал Мадрид и португалски репрезентативец Кристиано Роналдо, е прогласен за најдобар во светот во изборот на ФИФА.
Португалецот претходно ја доби и „Златната топка“ на „Франс Фудбал“ со што само ја потврди доминацијата во 2016-та, за која вели дека била најдобра во неговата кариера.
„2016 година беше најдобрата во мојата кариера. Мислам дека и трофејот го покажува тоа. После тоа што се освоив и што направив, немав сомнеж дека можам да дојдам до оваа награда, оваа година беше неверојатна за мене на лично и спортско ниво. Никогаш нема да ја заборавам оваа прекрасна година“, изјави Роналдо на церемонијата.
