Каталонскиот гигант Барселона од почетокот на сезоната мака мачи со повредени фудбалери, а нови главоболки за Луис Енрике преставува повредата на Самуел Умтити.
Умтити заработи повреда на бутниот мускул и го напушти кампот на француската репрезентација, по што веднаш се врати во Барселона, каде што ќе отпочне со рехабилитациски процес.
Засега не е познато колку тој ќе паузира, но Умтити беше еден од најстандарните и најдобри фудбалери на Барселона оваа сезона и столб на одбраната, особено после повредата на Пике.
Повредата доаѓа во незгоден момент бидејќи Барса за неполн месец го пречекува Реал во Ел Класико, а дотогаш има уште две тешки гостувања, против Сосиедад во Ла Лига и Селтик во Лигата на шампионите.
