Во францускиот регион Вогези денеска ненадејно наврнале околу 60 сантиметри град во невремето кое се случило попладнето.
Водата ги поплавила подрумите, а дел од домаќинствата останале без струја откако ветерот ги оштетил далноводите. Откако стивнало невремето улиците ги расчистувале со трактори.
Француската метеоролошка служба издала предупредување за невреме за целиот североисток на земјата, односно за 54 департмани.
