Легендарната француска модна креаторка остави белег во цела епоха и ја доближи модата и луксузот до жените.
„Животот не ми беше по мерак, па го создадов токму како што посакував,“ еднаш изјави Габриела (Коко) Шанел, жената која го поврза своето име со женската мода и луксузот. Амбициозната Французинка, која успеа да стане една од најпознатите жени во историјата, создавајќи ја најлуксузната модна куќа во светот, беше уникатна личност со темни страни и уште повеќе тајни.
Таа е жената која ги научи другите жени што значи ненаметлива елеганција, го воведе концептот на најбезвременскиот аутфит на сите времиња – малото црно фустанче, секако – и го направи сончањето модерно кога еднаш се врати од одмор со тен, восхитувајќи ги сите жени. Дотогаш, жените се колнеа во својата бледа кожа.
Кревката Французинка никогаш немаше лесен живот, а со години ги криеше деталите за своето детство и начинот на кој растела. Во продолжение откриваме 15 работи што веројатно не сте ги знаеле за Коко Шанел.
- Пеела во кабаре.
- Коко не е нејзиното вистинско име. Надимакот „Коко“ го добила од песна што ја пеела додека работела во кабаре.
- Таа е првата жена што направила панталони за… жени! Очајно барала удобен и лесен начин за јавање коњ и така се родила идејата.
- Таа е креаторката на најпознатиот парфем во историјата, Chanel No.5, кој беше лансиран во 1921 година.
- Растела во сиропиталиште.
- Во светот на модниот дизајн влегла со креирање на шешири.
- Живеела во хотел повеќе од 30 години.
- Таа е креаторката на првото женско одело.
- Не беше „најлесната“ личност и не пропушташе прилика да ги критикува оние околу себе.
- Беше во хороскопскиот знак Лав.
- Црната боја ѝ беше омилена (и кој може да ѝ замери?).
- Имала блиски односи со нацистите.
- Само еднаш била видена како плаче, поточно кога нејзиниот љубовник бил убиен.
- Се прослави во Америка по Втората светска војна.
- Го дизајнирала сопствениот надгробен споменик.
