Премиерот на Република Македонија, Зоран Заев, повторно порача дека со Законот за употреба на јазиците нема ништо да се промени во Македонија и дека истиот нема да ја наруши нејзината заедничка иднина. Тој апелираше Уставниот суд и Венецијанската комисија да се изјаснат по него.
Одлуката на претседателот Ѓорге Иванов да не го потпише законот, како што наведе Заев, е „флагрантно кршење на Уставот, но и кукавичлук“. Според него, законот не бил изгласан скришно и заткулисно, туку девет месеци била отворена дебата.
