Корисниците на социјалните мрежи ги запрепасти една снимка од отсечена глава на змија, која стана вирално споделувано видео на споменатите платформи поради „реакцијата“ на главата која беше целосно отсечена од телото на влекачот.
„Станува збор за змија отровница позната и како „водна мокасина“ (cottonmouth), чиј отров може да биде смртоносен, но ретко и фатален“, пишува Live Science.
Снимката ја објави Скот Молет на Фејсбук, а истата веднаш предизвика лавина од реакции. Наводно, неговите ќерки ја пронашле змијата во градината, а авторот на видеото најави дека во следните неколку дена ќе ги објави и сите детали околу приказната со влекачот.
