Во Арачиново уапсен наркодилер по кој се трагаше со меѓународна потерница


Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓


Во полициска акција изведена утрово околу 6 часот и 45 минути, во угостителски објект во скопско Арачиново, бил уапсен 43-годишен арачиновец кој бил осуден за меѓународна недозволена трговија со наркотици.

Како што информираат од МВР, во акцијата учествувале Единицата за внатрешни работи-ОКР Кисела вода, во содејство со Специјалната антитерористичка единица.

Четириесет и тригодишникот со иницијали С.Ј. се барал по распишана меѓународна потерница и наредба издадена од затворот Идризово, за доиздржување на казна затвор од 3 години 5 месеци и 8 дена.

Тој бил осуден на затворска казна од вкупно 6 години и 6 месеци за меѓународна недозволена трговија со наркотици и ќе биде предаден во Идризово за доиздржување на казната.