Вештачката интелигенција повторно ги обединува Битлс


Спасе Манев (Патувања низ Македонија): Ги откриваме скриените убавини на Македонија ↓↓↓


Педесет години по разделбата на славната музичка четвотка, оваа година ќе биде објавена необјавената песна на Битлси снимена со помош на вештачка интелигенција за да се рекреира гласот на Џон Ленон, објави Пол Макартни.

Додека можностите на вештачката интелигенција предизвикуваат страв и љубопитност и фасцинација во музичката индустрија од една страна, музичарот на легендарниот бенд од Ливерпул, кој наскоро ќе го прослави својот 81 роденден, вчера ја откри информацијата во интервју за BBC Radio 4.

„Решивме да ја направиме последната снимка на Битлси“, рече Макартни. „Само што го завршивме и ќе излезе оваа година. Можевме да го земеме гласот на Џон и да го исчистиме со вештачка интелигенција за да ја измешаме снимката“, додаде тој.

Тој објасни дека идејата дошла по документарниот серијал во режија на Питер Џексон во 2021 година.

Десетте години заедно на Пол Макартни, Џон Ленон, Џорџ Харисон и Ринго Стар резултираа со 14 најпродавани албуми, речиси милијарда продадени плочи и неколку филмови.

И покрај смртта на Ленон во 1980 година и на Харисон во 2001 година, Битлманијата е сè уште жестока ширум светот, а можностите што ги нуди вештачката интелигенција веќе им дадоа на фановите идеи да ги спојат или повторно да ги разгледаат најновите дела на Пол Макартни со неговиот младешки глас.

Мекартни не го откри името на новата песна. Вештачката интелигенција во музичката индустрија претставува огромни финансиски и етички прашања. Британскиот пејач Стинг неодамна предвиде дека уметниците ќе мора да се борат напорно за да го заштитат својот човечки капитал од вештачката интелигенција. Пол Макартни овој феномен го смета за многу интересен: „Тоа е нешто што сега сите се обидуваме да го сфатиме“.

„Има добра страна, но и страшна страна, ќе видиме каде ќе води тоа“, додаде тој.