В петок, на барање на Русија, Советот за безбедност на ОН ќе одржи вонредна седница на која ќе расправа за оштетувањето на двата руски гасоводи кон Европа, што доведе до истекување гас од Северен тек 1 и 2 во Балтичкото Море.
Француската мисија на ОН, која месецов претседава со 15-члениот совет, најави дека на состанокот ќе се зборува за гасоводите „Северен тек” за кои Русија и европските партнери потрошиле милијарди долари за изградба.
Москва негира каква било одговорност за инцидентот, кој многу европски лидери го нарекуваат „чин на саботажа”.
Истекувањето на гас како резултат на веројатна саботажа откриена на двата гасоводи ги загрози енергетските пазари и ја зголеми загриженоста за безбедноста.
Сомнителни експлозии вчера сериозно ги оштетија подводните цевководи.
НАТО и Европската Унија предупредија на потребата да се заштити критичната инфраструктура од она што тие го нарекоа „саботажа”, иако официјалните лица не кажаа кого го обвинуваат.
Русија, која ја намали испораката на гас во Европа откако Западот воведе санкции поради инвазијата на Москва на Украина, исто така рече дека саботажата е можност и дека обвинувањата од некои дека таа ја направила штетата се „глупави”.
Учество во игри на среќа е дозволено за лица со 18+ години. Играј одговорно!