Шанса да станеш YouTuber! Приклучи се! ↓↓↓
Најмалку девет лица, меѓу кои и деца, загинаа во престрелката што се случи утринава во училиштето 88 во Ижевск, Русија, пренесуваат од локалното Министерство за внатрешни работи.
Според првичните информации, напаѓачот се самоубил, а од полицијата потврдуваат дека има загинати лица.
„Полицијата веднаш го пронашла телото на човекот што отворил оган. Тој наводно извршил самоубиство. Во овој момент се знае дека во неговиот напад загинале девет лица, а околу 20 се повредени. Информациите се прецизираат“, се вели во соопштението.
Меѓу загинатите има двајца наставници и двајца работници од обезбедувањето. Персоналот и учениците се евакуирани од училишната зграда, соопштуваат руските власти.
A shooting was reported in school No. 88 in #Izhevsk, #Russia. According to preliminary information, a security guard died and three children were injured. pic.twitter.com/LSXueGhxGg
— NEXTA (@nexta_tv) September 26, 2022
Учениците и персоналот биле евакуирани за време на нападот во училиштето број 88 во Ижевск, а некои ученици се сокриле во училниците.
Така, на социјалната мрежа Телеграм се појави видео од ученици кои се кријат под клупи, пренесува „Раша тудеј“.
⚡️#Russian Telegram channels report that the gunman who attacked the school shot himself. The number of injured children has risen to 9. pic.twitter.com/2BTCcNuYk6
— NEXTA (@nexta_tv) September 26, 2022
Училиштето се наоѓа во центарот на градот со околу 630.000 жители, во близина на зградите на централната власт.
Престрелката се случила во училиштето број 88, во кое има речиси 1 000 ученици и 80 наставници.
