Украинците тврдат дека убиле висок руски генерал во борбите кај Харков

Главната управа за разузнавање на Министерството за одбрана на Украина пренесува дека во борбите кај Харков е убиен генерал-мајор на руската армија.

„Уште еден пораз меѓу врвниот тим на армијата на окупаторската земја. За време на битките кај Харков, елиминиран е Виталиј Герасимов – руски воен командант, генерал-мајор, началник на Генералштабот и прв заменик командант на 41-та армија на Централниот воен округ на Русија. Убиени се и ранети неколку високи офицери на руската армија“, соопшти Управата.

Виталиј Герасимов учествувал во Втората чеченска војна и руската воена операција во Сирија. Добил и медал „за враќање на Крим“, соопшти Главната управа за разузнавање на Министерството за одбрана на Украина.