Тренерот на Пари Сен-Жермен, Томас Тухел по поразот од Рен во второто коло од францускиот шампионат, упати јасна порака до раководството.
Веќе не е никаква тајна дека ПСЖ работи на трансферот на Нејмар, а Бразилецот станува голем проблем и за тренерот Томас Тухел.
Поради тоа германскиот стратег одлучи да го крене гласот и му порача на раководството дека не смее да го продаде Нејмар без да донесе негова замена.
„Работата е јасна за мене. Не можеме да го загубиме Нејмар без да донесеме замена за него. Ако го имаме со нас, тоа значи дека имаме играч кој е неверојатно добар во ситуациите еден на еден, а тоа понекогаш знае да биде многу важно. Ако си оди, мора да донесеме замена, не можеме да останеме со празно место“, истакна Тухел.
Германскиот стратег отсуството на Бразилецот на синоќешниот дуел со Рен го објасни со испуштените голем број тренинзи и постоење голем ризик од повреда.
