Трет ден попис на населението во Македонија – во првите два дена попишани 136.773 граѓани


Вака се слави гол во 120-та минута!!! ↓↓↓


Во првите два дена од пописот евидентирани се 136.773 луѓе, од кои 94.975 само во првиот ден. Застој во апликацијата за попишување се појави и денеска, на третиот ден од пописот. Првиот човек на статистика Апостол Симовски вели дека тоа се случило поради ажурирање и рестартирање на апликацијата, за да се отстранат какви било проблеми во иднина.

„ Денешното рестартирање на процесот е да нема вакви случаи во целиот процес затоа го рестартираме, она што вчера ни се случи тој технички проблем, најдено е решението и се прави ова за да го нема тој проблем. Системот беше прекинат заради тоа што се рестартира. Секогаш кога работите со технологија, можни се вакви случаи тие беа предвидени однапред и затоа има цела екипа и од провајдерот на апликативното решение и од провајдерот на интернет конекцијата, постојана екипа којашто е спремна да интервенира, луѓето интервенираа и еве се отклонуваат работите.“-Апостол Симовски – Директор на ДЗС.

Симовски рече дека досега никој не е казнет од оние граѓани кои одбиле да соработуваат со попишувачите, нагласи дека станува збор за мал број на случаи на одбивање да се дадат податоците и рече дека е обврска на државните инструктори да разговараат со овие лица.

За лицата кои се во изолација, попишувачите ќе добијат адреси и со нив ќе се договорат кога ќе може да се спроведе пописот, според протоколите или ќе се договорат и ќе почекаат додека лицето излезе од изолација.