Шанса да станеш YouTuber! Приклучи се! ↓↓↓
Колку вреди одреден фудбалер е дискутабилно прашање, но како и во се друго, така и во фудбалот, вредноста ја одредува пазарот.
Некоја објективна цена одредуваат и медиуми како германскиот портал „Transfermarkt“, кој на почетокот на годината ја обновија цената на сите фудбалери, па германски „Билд“ веднаш побрза да состави тим од 11 најскапи.
Еминентниот медиум избра формација со тројца дефанзивци, четири играчи за врска и три напаѓачи. Интересно е што во тимот го нема Кристиано Роналдо, бидејќи тројцата најскапи во нападот се Лео Меси (180 милиони), Нејмар (150 милиони) и Хари Кејн (120 милиони).
Најспак играч за врска според истиот извор е Кевин де Брујн (110 милиони), а после него следуваат Кутињо и Погба со вредност од 90 милиони, па Тони Крос кој е проценет на 80 милиони евра.
Вирџил ван Дијк е проценет на 50 милиони евра, и покрај тоа што Ливерпул го плати многу повеќе, потоа Матс Хумелс и Џон Стонс вредат 40 милиони евра, а на голот Давид де Геа е со вредност од 50 милиони евра.
Вкупно овој тим вреди повеќе од една милијарда евра, иако ако правеле вистински трансфери ќе вредат многу повеќе, пишува Спортски.мк.
