Совршени за жени што знаат што сакаат – и не се плашат тоа да го покажат преку сопствениот стил.
Во светот каде што често доминираат безбедни модни избори и неутрални комбинации, studded торбите – модели украсени со метални нитни и детали – доаѓаат со целосна промена на модните правила.
Ова не е само уште еден тренд – тоа е силна модна изјава. Симбол на самодоверба, индивидуалност и префинета бунтовност. Овој аксесоар не мора да „вика“ за да биде забележан – тој зборува преку стилот и ставот.
Мода што зборува без зборови
Овие впечатливи ташни се украсени со детали како што се нитни, метални апликации и синџири, што нè потсетуваат на бунтовничката панк-рок естетика, но во поелегантна и луксузна верзија. Најчесто ги гледаме во црна кожа – природна или еко – но новата сезона носи и пастелни нијанси, боја на коњак, бордо и металик варијации. Дизајнот е разновиден – од мини ташни за вечерни излегувања до големи tote модели за секојдневна употреба.
Studded ташната не е обична ташна. Таа е ваш моден оклоп. Претставува храброст, сила и оригиналност. Во време кога мнозинството следи правила, вие избирате да ги прекршите – со стил. Не се плашите да покажете кои сте – а ташната ќе го направи тоа наместо вас.
Затоа, ако оваа сезона сакате да инвестирате во аксесоар кој ќе остави вистински впечаток, нека тоа биде studded ташна – совршен спој на гламур и бунтовност, елеганција и став. Погледнете ги нашите предлози во галеријата.
