„ТНТ“ пред ново одложување: Наместо во судница, адвокатот Страшевски си оди на одмор

Адвокатот Јовица Страшевски, правен застапник на бившиот градоначалник на општина Гази Баба, Тони Трајковски, откако имаше неуспешни обиди да го повика Судскиот совет на итна седница за пензионирање на поротничката, испратил допис до судот дека заминува на одмор од 8 до 17 јануари, или практично најавува отсуство од судењата во екото на набиената агенда.

Судот смета дека ова е уште еден обид за блокада и одолговлекување на процесот и оттаму за ТВ24 велат дека ќе поднесат претставка до Адвокатската комора дека Страшевски го злоупотребува правото на адвокат во постапката.

Во продолжение интегрално го пренесуваме дописот од Кривичен суд и известувањето од Страшевски:

Заради интерес на медиумите за предметот во јавноста познат како „ТНТ“ и постојаните опструкции на поединци – странки во постапката, во целост го објавуваме последниот допис кој вчера кон крајот на работното време беше доставен до судот.

За последните случувања и обиди за одолговлекување на главната расправа насрочена за 13–ти јануари 2020 година, судот ќе ја извести Адвокатската комора и Судскиот совет на РСМ.