Тажната приказна за Кизаи – единствната кафеава панда на светот

Колку и да звучи симпатично тоа што е поразлична, приказната на Кизаи, единствената кафеава панда во светот, започнува тажно.

Кизаи бил напуштен од неговата мајка 2 месеци по раѓањето, а неколку години бил напаѓан од страна на другите панди бидејќи е поразличен. Дури и му ги краделе бамбусите и го оставале без храна.

Кизаи бил најден слаб и напуштен, по што бил згрижен во еден центар за панди во Кина.

Иако преживеал тешко детство, денес тој тежи 100 килограми и секојдневно јаде по околу 20 килограми бамбус.

„Малку е побавен од останатите панди, но е и посладок,“ велат од здружението кое сега се грижи за него.