„Стара коска“ не се предава: На 99 години исплива 50 метри краул за 56 секунди


Вака се слави гол во 120-та минута!!! ↓↓↓


Џорџ Коронс е 99-годишен Австралиец кој успе да исплива 50 метри краул за 56 секунди на официјалиот пливачки натпревар во Квинсленд.

Коронс се надева дека неговиот резултат и официјално ќе биде потврден како светски рекорд во старосната група од 100 до 104 години. Тој има право да биде прогласен за светски рекордер во таа старосна група, бидејќи во април тој ќе полни 100 години.

Пливачот истакна дека е воодушевен од резултатот, како и од публиката, која гласно го бодреше за време на трката.

Во видеото објавено од Би-Би-Си, се гледа дека судијата му помага на Коронс да се искачи на стартниот блок, а потоа следеше решителен скок во базенот.

„Штотуку присуствуваме на историски момент“, објави на Фејсбук еден австралиски пливачки клуб.

Коронс, кој е од Бризбејн, вели дека како млад бил страстен пливач, но престанал да плива кога избувнала Втората светска војна. Повторно му се вратил на пливање кога имал 80 години, сега тренира трипати неделно, а оди и во сала за вежбање.

Својот успех го препишува на добрата техника.

„Првите десет удари беа добро избалансирани …и така се држаев до последните 10 метри, се чувствував уморен, но, сепак, продолжив“, објаснува Конорс.