Кој ќе тепа на Ел Класико!? ↓↓↓
Фудбалерите на Интер доживеаа шокантен пораз на гостувањето кај Сасуоло во првото коло од Серија А.
„Нероаѕурите“ значително се засилија во летниот преоден рок и најавија борба за Скудетото, но воопшто не задоволија со играта против Сасуоло.
Тренерот Лучијано Спалети после мечот како главен виновник за поразот го посочи лошиот терен.
„Поразите те учат многу работи. Во фудбалот, кога немате вистински ентузијазам, вашата работа е придружена со многу компликации. Имаше реакција од тимот и во првото полувреме, но дозволивме многу контранапади. Теренот беше доста тежок за игра и не можевме брзо да ја движиме топката“, изјави Спалети.
„Состојбата на теренот влијаеше на дуелот. Со квалитетите што ги поседуваме, моравме да се претставиме многу подобро. Тие постигнаа гол од пенал, а ние не требаше да го дозволиме тоа. Треба да признаеме дека противникот многу добро одигра“, додаде тренерот на „нероаѕурите“.
