Со 59 гласа „против“ и 20 „за“ отфрлена интерпелацијата на министерот Димитров


Вака се слави гол во 120-та минута!!! ↓↓↓


Интерпелацијата на министерот за надворешни работи, Никола Димитров, која беше поднесена од група пратеници на опозициската ВМРО-ДПМНЕ, со 59 гласа „против“ и 20 „за“ не беше прифатениа од старана на Собранието на Република Македонија.

Димитров беше обвинет од опозицијата за несовесно и нестручно вршење на министерската функција, спротивно на македонските интереси и оти со потпишаните договори со Бугарија и Грција се загрозуваат македонските интереси.

Во завршното обраќање министерот Димитров ги повика пратениците заеднички да се фокусираат на приоритетите и да разговараат за работи што се вредни за расправање.

– Ние конечно се исправаме на нозе. Порано или подоцна со мудра политика, помалку навреди и повеќе заедништво, мислам дека ќе светлината ќе ја победи темнината. Да се расправаме за работи што се очигледно вредни за расправање –  од даночна политика, состојбите во економијата….. Дајте заедно да си се фокусираме, да си имаме приоритети и да не биде прашање на живот или смрт кој ќе победи, а кој нема да биде на власт. Мислам дека сега е времето тој чекор да го направиме, им порача Димитров на пратениците во Собранието.