Скопјанец уапсен поради закани по живот упатени кон премиерот Заев преку на Фејсбук

Поради закани по живот како „Ќе те чекам на нишан, ќе те решам“, упатени преку Фејсбук кон премиерот Зоран Заев, полициските служби го лишија од слобода 49-годишниот М.С. од скопско Драчево.

Полицијата го приведе и секторот за компјутерски криминал ќе поднесе кривична пријава против него за сторенo кривичнo делo „загрозување на сигурноста“, соопштуваат од МВР.

Премиерот вчера ги пријавил заканите по живот и Секторот за компјутерски криминал, по добиена судска наредба, извршил претрес во домот на осомничениот при што се откриени и одземени предмети во врска со кривичното дело.
За случајот е извесетен и дежурен јавен обвинител.