Специјалното јавно обвинителство ќе бара на јавна седница Апелациониот суд во Скопје да ја разгледува жалбата за поранешниот началник на петтата управа во МВР, Горан Грујовски, обвинет во случаите Тврдина и Таргет, кои СЈО ги спои во едно обвинение. Неофицијално, седницата која СЈО ја бара се однесува на жалбата на одлуката со која Кривичниот совет при Основниот суд Скопје 1 место притвор, на Грујовски му определи мерки на претпазливост.
Специјалното јавно обвинителство до сега поднесе вкупно 30 жалби на одлуките на Кривичниот совет. Жалбите на СЈО се уште се во Основниот суд Скопје 1, бидејќи тече рокот од три дена за спротивставената страна, во овој случај одбраната, да одговори на жалбите, па откако тие ќе се комлетираат, ќе бидат испратени во повисокиот суд на разгледување и одлучување.
Од Основниот суд Скопје 1 велат дека жалбите се уште се комплетираат.
Учество во игри на среќа е дозволено за лица со 18+ години. Играј одговорно!