Музичкиот и шоубизнис славен брачен пар Бијонсе и Џеј Зи останаа да си седат за време на интонирање на американската национална химна која ја отпеа Деми Ловато на Супербоул спектаклот, предизвикувајќи поделени реакции на социјалните медиуми.
Парот дојде на натпревар со нивната ќерка Блу Ајви, а TMZ ги снимаше како седат за време на интонирањето на химната. Не е јасно зошто парот останал да седи додека сите околу нив стоеле, особено ако се земе предвид дека Џеј Зи неодамна потпишал профитабилно партнерство со NFL.
Реакциите за ова беа различни. Додека некои беа лути, други пишуваа дека никој не се грижи, многумина застанаа во одбрана на парот. „И сите дома седеа“, коментирал еден.
They like the American dollar though don’t they
— Devin Farrell (@devinF103) February 3, 2020
Некои отидоа дотаму што велат дека парот мора да се исели од државата.
They need to move out of our country if they can’t stand for our national anthem.
— Beth Hawkins (@bethhawkins47) February 3, 2020
Патем, настапот на Деми Ловато доби многу пофалби на социјалните мрежи, а нејзиниот твит од 2010-та година во кој се најавуваше дека еден ден ќе настапи на Суперболот, стана хит на Твитер.
