Независно дали сте нејзин обожавател или не, една работа мора да се признае – Ким Кардашијан денес е една од највлијателните жени на светот. И тоа е факт, ни се допаѓало тоа или не. Можеби поради тоа на многу луѓе им е тешко да замислат како таа изгледала некогаш, како тинејџерка, кога уште намала вистински зачекорено на „патеката на славата“.
Токму тоа неодамна го покажа нејзината мајка, Крис Џенер, со фотографијата која ја објави, на која таа ја држи Кајли Џенер како бебе, додека покрај неа стојат малата Кендал и 17-годишната Ким. Ким тогаш изгледа сосема поразлично од цртите и изгледот кои ги има денес.
„Ким била целосно друг човек“, „Не ја препознав Ким“, „Ким би била очајна да не постоеја пластичните операции“, беа само некои од коментарите упатени на некогашниот, но и на денешниот изглед на Ким.
Е сега, тука доаѓа оној моментот на „влијателност“ на кланот Кардашијан/Џенер – независно од коментарите, фотката како на шала собра над 800.000 допаѓања.
