На 22.06.2019 година во 19:30 часот на Градскиот базен „Маркови Кули“ – Прилеп ќе се организира професионална боксерска ревија за скор на професионалните боксери во светската професионална боксерска ранг листа.
Подготовките се веќе во завршна фаза, а билетите се пуштени во продажба во Градскиот базен „Маркови Кули“ – Прилеп по цена од 100 денари.
Ова ќе биде вистински боксерски спектакл со одлична сценографија, девојки за рунди, ди-џеј, професионален водител во ринг.
Мерењето и соочувањето на боксерите ќе се одржи во сабота во 11:00 часот во летната бавча на кафе барот „Оникс“.
Боксери ќе има од Македонија, Србија, Албанија и Бугарија. Ќе има одлични борби и сите боксери ќе се борат за подобрување на рангот на светската ранг листа.
