Наполи вчера официјално го потврди доаѓањето на Карло Анчелоти, иако се уште не го раскинал договорот со Маурицио Сари.
Сари е навреден од таквиот однос и смета дека не заслужил таков третман, а претседателот Де Лаурентис нема проблем да го плаќа и следната сезона, доколку не најде друг ангажман.
Италијанските медиуми тврдат дека Маурицио Сари е прва желба на Челзи и дека веќе започнале преговорите. Проблем е што Наполи бара 8 милиони евра за да го ослободи, но тоа е нереално после промицијата на Анчелоти.
Сари наводно веќе се договорил со „сините“ за двегодишна соработка и нема посебни барања од раководството, освен што ќе се обиде да го донесе Игуаин на местото на Мората.
Покрај Челзи инетерес за Сари покажува и руски Зенит кој на Италијанецот му нудуи побогат договор, но негов приоритет е разбирливо Челзи.
Италијанските медиуми се оптимисти дека во наредните денови Сари и официјално ќе се пресели на „Стенфорд Бриџ“.
