Притисокот во Манчестер Јунајтед се покачува постојано бидејќи цели 5 години не станал шампион, а во летниот преоден рок донесоа само три засилувања.
Мурињо, а се чини дека и фановите не се задоволни од тоа што во клубот пристигнаа само Фред, Диого Далот и третиот голман Лиј Грант.
И една од ѕвездите на тимот, Алексис Санчез го изрази незадоволството од засилувањата и истакна дека Манчестер Јунајтед требало да го купи Артуро Видал.
„Ние од Манчестер Јунајтед треба да земаме големи играчи со искуство. Видал е неверојатен играч, мој пријател и сонародник. Тој е тип на фудбалер каков што Јунајтед треба да купува. Секогаш сака да победува и е гладен за успех. Играч со таков менталитет е многу важен за секој тим. Мислам дека Јунајтед требаше да се обиде да го донесе“, изјави Санчез.
Видал пред неколку дена го напушти Баерн Минхен и се пресели во Барселона за сума од 22 милиони евра.
Alexis Sanchez is getting serious about winning this season. Will Man U win anything? pic.twitter.com/Ta3CD9MqjC
— Football Daily (@footballdailyuk) August 8, 2018
