Претседателот на Русија, Владимир Путин, синоќа упати порака со сочувство до Велика Британија за смртта на кралицата Елизабета Втора, која почина на 96-годишна возраст, објавија руските новински агенции.
Во пораката до Чарлс Трети, новиот британски крал, Путин порачал дека кралицата со право ја ужива љубовта и почитта на своите поданици, како и авторитетот на светската сцена, пренесе Ројтерс.
„Ви посакувам храброст и сила пред оваа тешка, ненадоместлива загуба. Може ли да ве замолам да им го пренесете моето искрено сочувство и поддршка на членовите на кралското семејство и на целиот народ на Велика Британија“, истакнал рускиот претседател.
Учество во игри на среќа е дозволено за лица со 18+ години. Играј одговорно!