Во сабота, 13 јули 2019 година, со почеток во 20:00 часот, во Jazz club „ДЕПО“ во Струмица, ќе се одржи промоција на книгата од областа на медиумите и книжевноста „Медиумскиот егзил на книжевноста во македонската култура“ од м-р Александра Јуруковска. Промотори на книгата ќе бидат проф. д-р Александар Прокопиев и Митко Гогов.
„Медиумскиот егзил на книжевноста во македонската култура“ е компаративно-интермедијална анализа за третманот на книжевноста во неколку македонски медиуми. Истражувањата се насочени кон македонските состојби во контекст на светските тенденции, повремено споредени и со регионалните текови.
Здружението за развој на културата и заштита на културното наследство „Контекст -Струмица“ заедно со авторката предвидудуваат во една неформална атмосфера интерактивна промоција во која секој од присутните може да се вклучи со сопствено видување, како и ангажман во она што претставуваат медиумите во денешно време, наспроти старите форми на издаваштво и нивната дигитализација.
„Контекст – Струмица“ промоцијата ја реализира во соработка со општина Струмица и издавачката куќа Авант Прес од Скопје.
Учество во игри на среќа е дозволено за лица со 18+ години. Играј одговорно!