Променлив и постуден последен мартовски ден

Последниот ден од месец март за оваа година во Македонија носи променливо облачно време со повремени врнежи од дожд, а на планините врнежи од снег, особено попладне и во текот на ноќта.

Ќе дува слаб до умерен ветер од северен правец. Минималната температура ќе биде во интервал од 0 до 7, а максималната од 7 до 16 степени.

Во Скопје ќе биде променливо облачно, кон крајот на денот со повремени врнежи од дожд. Ќе дува слаб до умерен северен ветер. Минималната температура ќе се спушти до 4, а максималната ќе достигне до 12 степени.

Под влијание на влажен и студен воздушен бран в среда ќе има врнежи од дожд, на места ќе бидат пообилни (над 25 л/м2), а на планините снег. Поради заладувањето и спуштање на дневните температури од 10 до 15 степени врнежи од снег ќе има и во некои пониски места, каде што ќе се формира снежна покривка. В четврток и петок ќе настапи стабилизирање на времето, но минималните температури во поголемиот дел од земјава ќе бидат под нулата.