Со прифаќање на жалбата на ОЈО Струмица во врска со укинувањето на притворот, Апелацискиот суд суд во Штип ја продолжи мерката притвор до правосилност на пресудата за градоначалникот на Ново Село, Боро Стојчев, и останатите осудени.
Во средата Основниот суд во Струмица го осуди актуелниот градоначалник на Ново Село на година и пол затвор, а неговиот син и внук добија казни од една година затвор. Сопругата на градоначалникот доби условна казна од една година поради здравствени причини. Полицијата ги фати на месноста Попова Чука близу границата при обид за шверц на цигари.
По изрекувањето на пресудата судијата им ја укина мерката притвор, по што обвинителството се жалеше, па штипска Апелација им изрече притвор до правосилноста на пресудата, односно до 60 денови.
Извор: Мета
Учество во игри на среќа е дозволено за лица со 18+ години. Играј одговорно!