Утрово на Комисијата за заразни болести се донесоа следните одлуки кои ќе бидат предложени до Кризниот штаб. Од среда, 16 јуни:
Да се укине целосно полициски час. Епидемиолошката состојба е стабилна и го дозоволува ова.
Да се укине ограничувањето од максимум 100 гости на свадби и прослави.
Да се дозволи организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1000 лица.
Оваа информација утрово на својата Фејсбук страница ја сподели Министерот за здравство, Венко Филипче. Досегашната пракса покажала дека Владата ги прифаќа сите предложени мерки од КЗБ.
