Нов земјотрес го погоди југозападниот дел од Македонија.
Земјотрес со јачина од 2.9 степени по Рихтерова скала почувствуван е синоќа во 22.34 часот во охридско-преспанскиот регион.
Информацијата ја соопшти Сеизмолошка опсерваторија при Природно-математичкиот факултет во Скопје.
Епицентарот со длабочина од 2 километри е на 3 километри од Ресен, односно 1 километар од Јанковец. Потресот го почувствуваа жителите на охридско-преспанскиот регион, каде во изминатиов месец имаше над 1400 потреси.
