Шпанските медиуми пренесуваат дека Реал Мадрид и Манчестер Јунајтед постигнале договор за трансфер на Алваро Мората и дека играчот во понеделник ќе замине во Англија на лекарски прегледи.
Мората пред неколку дена постигна личен договор со „црвените ѓаволи“ и испрати барање до раководството на Реал да му дозволат да замине.
„Марка“ денес соопштува дека двата клуба постигнале договор и дека трансферот ќе изнесува 73 милиони евра.
Мората во моментов е со шпанската репрезентација и утре ќе игра во Скопје, а во понеделник ќе замине за Манчестер на лекарски прегледи и официјално ќе потпише четиригодишен договор со „црвените ѓаволи“.
