Познато е дека минатото лето Мурињо го врати Погба, од кого се одрече Фергусон, а сега „Специјалниот“ може да ја плати скапата грешка, и тоа повторно скапо, на својот претходник Ван Гал.
Имено, Јунајтед е спремен во своите редови да го врати момчето од кое се одрекоа во 2015 и го пуштија во Барнли за околу 2 милиони фунти.
Во прашање е новопечениот репрезентативец на Англија, Мајкл Кин, кој после заминувањето од редовите на Јунајтед, стана еден од најдобрите млади дефанзивци во Премиер лигата.
2. Manchester United manager Jose Mourinho adds Burnley’s Michael Keane to summer wish list https://t.co/m25jx1Bx2T pic.twitter.com/RSH8f2uAMp
— Mirror Football (@MirrorFootball) April 18, 2017
Веќе неколку клуба покажаа интерес за неговите вештини и игра. Евертон наводно е во полпозиција, но нема сомнеж дека интересот од Олд Трафорд би можел да го натера Кин да го смени ставот и да се врати во својот бивш клуб.
Минатото лето Лестер се обиде да го доведе за 20 милиони фунти, но управата на Барнли го одби тоа, а се верува ова лето клубот може да се согласи за продажба на Кин за 30 милиони фунти, доколку Мурињо е спремен да искешира толку за него, секако.
