Ѕвездата на Реал Мадрид, Кристиано Роналдо е блиску до трансфер во Пари Сент Жермен, тврди португалското издание на „Сапо“.
Агентот на Роналдо, Жорге Мендеш веќе пристигнал во Париз и веќе започнал преговори за трансферот на неговиот клиент во францускиот гигант.
Медиумот тврди дека Португалецот побарал од Реал Мадрид зголемување на платата и доколку „кралевите“ не му понудат нов договор, со сигурност ќе го напушти „Сантиаго Бернабеу“.
Роналдо после финалето во Лига на шампиони ги шокираше фановите и изјави дека за неколку дена ќе ја соопшти одлуката за својата иднина.
И додека португалските медиуми го селат во Париз, во Шпанија се убедени дека тој ќе остане во Реал Мадрид.
