По кратко боледување почина музичарот Ферус Мустафов


Ќе игра ли Елмас против Баерн Минхен!? ↓↓↓


По кусо боледување, како последица од силен мозочен удар, на 72-годишна возраст синоќа почина легендарниот македонски кларинетист и саксофонист, Ферус Мустафов.

Ферус имаше мозочен удар на 26 април и од тогаш беше во болницата „8 Септември“.

На социјалните мрежи, пријателите и членови на семејството веќе почнаа да се простуваат од легендата на ромската песна.

Мустафов е роден на 20 декември 1950 година во Штип во ромско семејство на музичари. Тој имаше богата кариера со голем број настапи низ целиот свет и остави големо музичко наследство. Неговата професионална кариера започна на седумнаесетгодишна возраст, додека студирал виолина и кларинет во локална музичка академија.

Настапуваше во голем број земји во светот и снимил десетина албуми, главно со инструментални композиции.

Погребот ќе биде на гробиштата во неговиот роден град.