По 40. пат доделени Британските музички награди


Спасе Манев (Патувања низ Македонија): Ги откриваме скриените убавини на Македонија ↓↓↓


Вчера вечер, по 40. пат, се одржа доделувањето на музичките „Брит награди“, на која третпат по ред водител беше комичарот Џејт Вајтхол.

Првата награда ја однесе раперот Стормзи, победувајќи ги Хари Стајлс, Луис Капалди и Дејв во категоријата за најдобар соло уметник.

Англиската пејачка Мејбел ги отвори „Брит наградите“ со својот живописен настап и песната „Don’t call me up“, а потоа ја однесе наградата за најдобра соло уметничка.

За најдобар млад уметник е прогласен Луис Капалди (23), кој на сцената се појави со шише пиво во рака.

Младата музичка ѕвезда, 18-годишната Били Ајлиш, ја однесе наградата за најдобра интернационална музичарка, а воедно и за првпат имаше прилика во живо да ја изведе насловната нумера за новиот филм за тајниот агент Џејмс Бонд – „No time to die“.