Познаатата одбојкарка Маја Огњеновиќ и поранешниот ватерполист Данило Икодиновиќ ставија крај на девет години брак. Како што нивната љубов се одвиваше далеку од очите на јавноста, така и одлуката да тргнат по одделни патишта е донесена и реализирана тивко, уште летово, без драма и скандали.
Секој од нив, се чини, продолжил да го гради својот живот по свој пат — Маја во Болоња, каде што живее поради спортската кариера, а Данило во Трст, поради неговите бројни бизнис-обврски.
Сепак, бидејќи ниту едниот ниту другиот не излегле во јавност со детали за разводот, многумина и понатаму се прашуваат што ја довело до крај оваа хармонична врска. Можеби одговорот лежи во тоа што двајцата решиле да се посветат на своите лични приоритети и желби.
На оваа тема Маја Огњеновиќ своевремено проговори во интервју за списанието „Убавина и здравје“, каде откри дека дури направила тетоважа за да се мотивира да промени нешто во својот живот:
„Да се сакаш себе, тоа е почетокот на една љубов што трае цел живот“, рекол Оскар Вајлд, а таа мисла била инспирација и за мојата тетоважа, направена пред дванаесет години — сподели Маја.
„Но, од тогаш наваму, ништо не се промени. Секогаш ми било важно да им удоволам на другите. Родена сум, изгледа, да давам, да угодувам, да споделувам љубов и да ширaм топлина“ – додаде Огњеновиќ.
Дали конечно сега дошло време да си удоволи самата себе – останува да видиме.
Учество во игри на среќа е дозволено за лица со 18+ години. Играј одговорно!