Кој ќе тепа на Ел Класико!? ↓↓↓
Овој петок носи сончево и потопло време со мала до умерена облачност. Во крајните западни и источни делови ќе има услови за изолирана појава на пороен дожд и грмежи. Дневните температури ќе се движат од 24 до 35 Целзиусови степени. УВ-индексот ќе изнесува 8.
Во Скопје слично време, сончево и потопло со мала до умерена облачност и дневна температура до 32 степени.
И утре ќе преовладува сончево и топло време со услови за изолирана појава на пороен дожд и грмежи. Во недела попладне и во следните денови повторно на повеќе места ќе биде нестабилно со пороен дожд и грмежи. Во недела ќе дува повремено засилен југозападен ветер, а од понеделник ветерот ќе се промени во северен и тоа ќе услови опаѓање на температурата за неколку степени.
