Петочна и викенд временска прогноза

И овој петок ќе имаме стабилно, сончево и студено време. За време на викендот ќе има зголемена облачност со умерен северен ветер.

На некои пониски места ќе има појава на слаб дожд, а на планините слаб снег. Потоа ќе се задржи стабилно време со услови за појава на магла по одделни котлини.

Минимална температура во сабота ќе се движи од -7°C до 2°C, а максимална температура од 5°С до 12°C. Времето ќе биде променливо облачно, попладне со локален слаб дожд, на планините слаб снег. Ќе дува умерен северозападен ветер.

Во недела ќе имаме минимална температура од -4°C до 4°C, а максималната температура ќе се движи од 4°C до 10°C
Променливо облачно, претпладне со услови за слаб дожд на некои пониски места и слаб снег на планините. Ќе дува слаб до умерен ветер од северозападен правец. Попладне облачноста ќе се намали.